ამის შესახებ ინფექციური პათოლოგიისა და შიდსის ცენტრის გენერალურმა დირექტორმა თენგიზ ცერცვაძემ განაცხადა. 

"ჩინეთს აქვს ხუთი ვაქცინა და ერთ-ერთზე არის ლაპარაკი. მინდა გითხრათ, რომ მსოფლიოში ჩინური ვაქცინის რეიტინგი საკმაოდ მაღალია", - განაცხადა ცერცვაძემ ტელეკომპანია "ფორმულას" ეთერში.

მისი თქმით, ჩინურ ვაქცინას მაღალი სანდოობა აქვს. ამის მიზეზად წარმოშობის ადგილს ასახელებს და ამბობს, რომ ჩინელმა სპეციალისტებმა უკეთ იციან ვირუსის სტრუქტურა. 

"ეს ვაქცინა ხელწამოსაკრავი არ იქნება", — განაცხადა ცერცვაძემ.